Adimen artifizialak mugikortasunean duen eragina mintzagai, MLC-ITS Euskadi klusterraren ikastaroan

Ekainaren 21ean, joan den ostiralean, 'Adimen artifizialaren eragina mugikortasunean' ikastaroa egin zen, Euskadiko Mugikortasun eta Logistika Klusterrak antolatuta, Mubilekin eta Euskal Herriko Unibertsitateko udako ikastaroen fundazioarekin elkarlanean. Goizez eta bost orduz, saioen helburua izan da mugikortasunaren sektorean adimen artifizialaren egoeraren ikuspegi integrala eta eguneratua eskaintzea.

Non amaitzen den mugikortasun konektatua eta non hasten den adimen artifiziala izan da hizlari guztiek euren hizketaldietan jorratu duten gai nagusia. Horrela, Oihana Otaeguik, Vicomtecheko Garraio eta Segurtasun dibisioko zuzendariak, nabarmendu du Mugikortasun Automatizatu Konektatua eta Kooperatiboa (CCAM) loratzen ari dela adimen artifizialari esker, aurrerapen nabarmena lortu baitu Deep Learning metodo sofistikatuen agerpenarekin, komunikazioen, mikroelektronikaren, sentsoreen eta azpiegituren garapenarekin batera.

Bestalde, Alfonso Brazalez Ceiteko Garraio Jasangarriaren eta Mugikortasunaren zuzendariak adimen artifizialaren aplikazioarekin dagoeneko garatzen ari diren lanak nabarmendu ditu. Zehazki, errepideen egoera identifikatzeko kasu praktikoak aipatu ditu. Brazalezen esanetan, ibilgailuari eta kudeaketa integralari gehitutako aplikazio horiei esker, aurreikuspenak egin daitezke eta mugikortasun erabakiak hartzen lagundu, bai gidari bezala, eta bai garraio kolektiboari dagokionez.

Aritza Aldama, Kapsch-en produktu kudeatzaileak, aplikatutako IArekin trafikoa kudeatzeko egiten duten lana azaldu du. Aurrerapenak aurrerapen, erabilera kasuak behar bezala identifikatzeko beharra azpimarratzen du, hau da, datu-kopuru handi horren aplikazioak eta erabilgarritasunak, egoera bat konpontzeko balio dezakeela.

Ildo beretik, Javier Rojok, Indrako arduradunak, IA, eta bereziki Deep Learning, mugikortasunaren kudeaketa eta hobekuntza nola aldatzen ari den esplikatu du. Rojoren arabera, teknologia horiek estatistikak zehatz kalkulatzea eta trafikoa denbora errealean monitorizatzea ahalbidetzen dute. Gainera, bidesari-sistemetan ibilgailuak detektatzeko eta sailkatzeko ikusmen artifizialean egin diren azken aurrerapenek mugikortasunaren kudeaketan laguntzen dute, besteak beste, hiri handietarako sarbidean.

Bestalde, Luis Lozanok, Inecoko sistema aeroespazialen zuzendariordetzako gerenteak, adimen artifizialak mugikortasun-azpiegituren kudeaketari eta hobekuntzari ematen dizkion abantailei eta aukerei buruzko ikuspegi globala eskaini du, gaitasunean, eraginkortasunean, jasangarritasunean eta erresilientzian duen eragina nabarmenduz.

Ikastaroa Oscar Lage Tecnaliako zibersegurtasun buruaren azalpenekin amaitu da eta zibersegurtasunean jarri du fokua, IAren aroan datuen subiranotasuna eta konfidentzialtasuna babesteko funtsezko zeregina aztertuz.