Innomy Labs: onddoak abiapuntu proteina iraunkorrak sortzeko

Innomy Labs start-up bioteknologikoa da, mikelioan, onddoen ehun jangarrian, oinarritutako elikagaiak eta soluzio iraunkorrak garatzen dituena. Horren barruan sartzen dira azken produktuak, hala nola hanburgesak eta haragi-bolak, baina baita beste elikagai eta edari batzuen nutrizio eta funtzio kalitatea hobetzen duten proteina disolbagarriak eta hauts-proteinak ere. Horrekin batera, elikagaien industriako azpiproduktuak aprobetxatzen dituzte, tartean sojazko okara eta garagardo bagazoa, ekonomia zirkularra sustatzeko.

Start-upa osatu dute Juan Pablo de Giacomi, Francisco Kuhar eta Pablo Ignacio Sanchez Reyek, mikologian eta elikagaien berrikuntzan esperientzia duten aditu argentinarrek. Proiektuarekin pandemia garaian hasi ziren, eta 2021ean Bizkaira etortzea erabaki zuten, start-upen ekosistema, lege eta finantza segurtasuna, eta eskualdeak eskaintzen duen berrikuntzarako laguntza aprobetxatzeko. Haien laborategia Derion dago, Bizkaiko parke zientifiko eta teknologikoan. Gainera, onddoetan oinarritutako elikadura soluzio iraunkorrak garatzeko hornituta dago.

Bi helburu nagusi dituzte; alde batetik, proteina jasangarriak eta kalitate handikoak sortzea eta, beste aldetik, elikagaiak alferrik ez galtzea, azpiproduktu industrialak errebalorizatuz

Bi helburu nagusi dituzte; alde batetik, proteina jasangarriak eta kalitate handikoak sortzea eta, beste aldetik, elikagaiak alferrik ez galtzea, azpiproduktu industrialak errebalorizatuz. “Gure teknologia eskalatzea ere bilatzen dugu, elikagaien eta edarien eremu osoan eragina izateko, prozesuak eraginkortasunez eginez eta osagai eskuragarriak eta kalitatezkoak ekarriz”, adierazi du Juan Pablo de Giacomik, Innomy Labseko kideak.

Onddoak, balio handiko proteinak

Onddoak kalitate handiko proteinak dira, egitura "paregabeak" eta kontsumitzailearen itxaropenak betetzen dituen nutrizio eta zentzumen profila ematen dituztenak. Gainera, aukera jasangarria dira, haien ekoizpenak baliabide gutxiago erabiltzen dituelako eta ingurumen inpaktu txikiagoa eragiten duelako.

Innomy Labsen haien laborategian hautatutako eta garatutako onddo-anduiekin lan egiten dute, prozesuetan kalitatea eta sendotasuna ziurtatuz

Innomy Labsen haien laborategian hautatutako eta garatutako onddo-anduiekin lan egiten dute, prozesuetan kalitatea eta sendotasuna ziurtatuz. Horrekin batera, zirkulartasunean oinarritzen dira; zirkulartasunak elikagaien industriako azpiproduktuak berrerabiltzea dakar, esate baterako, soja okara edo garagardo bagazoa, nutrizio balio handiko osagaiak bihurtzeko. Horrek hornidura kate jasangarriagoa eta eraginkorragoa ere sortzen du, eta alferrik galtzea murriztu.

Landare-matrizeak abiapuntu, hanburgesak helmuga

Mikeliotik abiatutako proteinen soluzio berritzaile eta iraunkor horien prozesuan elikagai azpiproduktuez osatutako landare-matrize baten gainean hazten diren onddoen jangarriak hautatzen dira. Hartzidura solido egoeran (SSF) erabiltzen dute; izan ere, beste teknika batzuek baino ur eta energia gutxiago eskatzen duen metodo eraginkorra da. Mikelio landua azken produktu edo osagai bihurtzen da lehortze eta erauzketa prozesuen bidez, nutrizio balioa eta jasangarritasuna maximizatzeko optimizatuta.

Innomy Labsek abantaila garrantzitsu bat du: ez dituzte bioerreaktore garestiak erabiltzen. Hortaz, ekoizpena modu modulatuan eta eskariaren arabera eskalatzen dute, haien bezeroen prozesatze plantaren barruan edo inguru linealetan lan eginez, ekoizpena deslokalizatu ahal izateko.

maskotentzako elikagaietarako aplikazioak ere garatu dituzte. “Salmenten aurreko I+G fasean gaude, eta, beraz, oraindik ez gara publiko zabalarengana iristen”

“Haragiaren testura imitatzen duten hanburgesak eta haragi-bolak garatu ditugu, landare-matrizeetan landutako mikelioa erabiliz”, adierazi du De Giacomik. Halaber, edari begetaletan txerta daitezkeen proteina disolbagarriak eta snacketarako proteina hautsak (adibidez, zereal-barratxoak) ekoizten dituzte, andare-esneen okarak edo garagardogintzaren bagazoak bezalako azpiproduktuak erabilita.

Gaur egun, Innomy Labsek sortutako osagaiak hainbat produktuetan erabiltzen ari dira; adibidez, hanburgesa begetal, edari begetal aberastu eta snack proteikoetan, zereal-barratxo gisa. Baina ez hori bakarrik: maskotentzako elikagaietarako aplikazioak ere garatu dituzte. “Salmenten aurreko I+G fasean gaude, eta, beraz, oraindik ez gara publiko zabalarengana iristen”, onartu du De Giacomik. Baina, edonola ere, laster elikagai berri horiek gozatzen hastea espero dute, eskalatu industrialaren laguntzaz.

Onddoen bioteknologia

Haien teknologia onddo hariztatuen labore kontrolatuan oinarritzen da, solido egoeran hartzituta. Prozesu horri esker, mikelioa modu naturalean hazten da landare substratuen gainean. Substratu horiek industriako azpiproduktuak izan daitezke, eta zuntz eta proteina eduki handia dute, hala nola okara, ekilore opilak edo bagazoak. Bigarren erabilera bat ematen zaie, haien balioa handituz.

Haien hartzidurak landare substratua eraldatzen duten testurak eta propietate funtzionalak garatzen ditu, elikagaien eta edarien formulazioetarako oso baloratuta dagoen kalitate handiko proteina osagaia sortuz

Horrekin batera, haien hartzidurak landare substratua eraldatzen duten testurak eta propietate funtzionalak garatzen ditu, elikagaien eta edarien formulazioetarako oso baloratuta dagoen kalitate handiko proteina osagaia sortuz.

Laborategia mantentzeko eta jarduteko inbertsioa, batez ere, I+Gra, eskalatze prozesuetara eta produkzioaren optimizaziora bideratzen da. Innomy Labsen kasuan, 1,3 milioi euroko inbertsioa behar izan zuten laborategia sortzeko. “Orain eskalatze industrialaren fasean gaude. Gainera, hedapen fase batean ari gara lanean, gure konponbideak industria merkatura eramateko”, dio.

Juan Pablo de Giacomi: “Orain eskalatze industrialaren fasean gaude. Gainera, hedapen fase batean ari gara lanean, gure konponbideak industria merkatura eramateko”

Halaber, Euskal Autonomia Erkidegoak start-upentzako ekosistema egokia eskaintzen duela uste du ekintzaileak, berrikuntza teknologikora eta jasangarritasunera bideratutako finantzaketa programekin eta pizgarri fiskalekin. Laguntza horiek ekonomia zirkularreko soluzioetan eta elikadura-teknologia aurreratuetan oinarritzen diren Innomy Labs bezalako proiektuak babesten dituzte.

Kostuari dagokionez, mikelioan oinarritutako produktuak lehiakorrak dira, bereziki substratu gisa azpiproduktuak erabiltzeagatik eta horiek dakartzaten prozesu industrialagatik. Gainera, De Giacomik adierazi duenez, aukera jasangarri eta elikagarrien eskaera gero eta handiago batera erantzuten diote, eta horrek merkatuan eragin handia duen irtenbide errentagarri gisa kokatzen ditu.

Onddoen kostua, aldiz, ekoizpen eskalaren araberakoa da, baina substratu gisa elikadura azpiproduktua erabiltzean, kostu operatiboa nabarmen murriztea lortzen dute

Onddoen kostua, aldiz, ekoizpen eskalaren araberakoa da, baina substratu gisa elikadura azpiproduktua erabiltzean, kostu operatiboa nabarmen murriztea lortzen dute.

B2B soluzioak eta enpresekin elkarlana

Innomy Labsen B2B soluzioak ere eskaintzen dituzte, osagai pertsonalizatuen garapenean, hartzidura prozesuetako aholkularitzan eta elikagaien berrikuntzako proiektuetan lankidetzan. Azpiproduktuak sortzen dituzten enpresekin batera lan egiten dute, birbalorazioa emateko eta diru sarreren bide berri bat sortzeko.

Haien bezeroak elikaduraren eta edarien sektoreko enpresak dira, baita landare-esnekien, ekilore olioen edo garagardogileen fabrikatzaileak ere. Beren eskaintza aberasteko irtenbide berritzaile eta jasangarriak bilatzen dituzten profilekin lan egiten dute, eta beren produktuak aberasteko proteina alternatiboak esploratzen dituzten enpresekin ere bai.

Nolanahi ere, proteina alternatiboetan lider bihurtu nahi dute, haien teknologia globalki hedatuz, eta elikagaien ekoizpen ereduak ekonomia zirkularrago eta iraunkorrago baterantz eraldatuz

Orain, Nafarroako bezero baten instalazioak eskala industrialeko produkziorako egokitzen ari dira, eta Pascual bezalako enpresekin lankidetzan ari dira, esne industriako azpiproduktuekin aplikazioak garatzeko asmoz.

Nolanahi ere, proteina alternatiboetan lider bihurtu nahi dute, haien teknologia globalki hedatuz, eta elikagaien ekoizpen ereduak ekonomia zirkularrago eta iraunkorrago baterantz eraldatuz.