Antonio Aiz izendatu dute Bilboko Portu Agintaritzako zuzendari berri
2020az geroztik, Uraren Euskal Agentziako zuzendari nagusia izan da. Carlos Alzagaren lekukoa hartuko du
Bilboko Portuko Agintaritzaren Administrazio Kontseiluak Antonio Aiz Salazar izendatu du erakundeko zuzendari. Atzo egindako bileran hartu zuten erabakia, eta Carlos Alzagaren lekukoa hartuko du. Aiz, 2020az geroztik, Uraren Euskal Agentziako (URA) zuzendari nagusia izan da.
Lanaren Zientzietan lizentziaduna eta Lan-harremanetan/Gizarte-graduatuan diplomaduna da, eta administrazio publikoarekin lotutako hainbat master ditu. Bilboko Portu Agintaritzak azaldu duenez, “portuko garraioan, azpiegituran eta kudeaketan esperientzia teknikoa duen profesional ezaguna da”.
Bere ibilbidean zehar, Eusko Jaurlaritzako Azpiegitura eta Garraioko Sailburuordea (2017-2020), Garraioetako Sailburuordea (2013-2017), Euskal Trenbide Sareko idazkari nagusia (2005-2013), Garraio eta Herri Lanetako Sailburuordea (1998-2005), Eusko Trenbideak enpresako presidentea (hainbat alditan, 1998-2020 bitartean) izan da, besteak beste. Bilbo eta Pasaiako Portuko Agintaritzaren Administrazio Kontseiluko kide ere izan da urte askoan.