Etxebizitzen alorrean neurriak hartzeko lege berria garatuko du Jaurlaritzak
Helburua da etxebizitzak bizkorrago eraikitzea, eta, aldi berean, administrazio-prozesuak azkartzea, epeak %50era murriztuta
Eusko Jaurlaritzak iragarri du neurriak ezartzeko lege berria garatuko duela, batetik, etxebizitzen eraikuntza prozesuak azkartzeko, eta, bestetik, alokairuko etxeen merkatua babesteko. Lege hori urte honen amaierarako onartzea aurreikusi du Jaurlaritzak.
Denis Itxaso Eusko Jaurlaritzako Etxebizitza eta Agenda sailburuak azaldu duenez, neurria baliagarria izango da %60ra txikitzeko babestutako etxebizitzak eraikitzeko eskakizuna, eta aldi berean, %50era murrizteko hirigintza-izapideen administrazio epeak. Itxasok esan du etxebizitzaren arazoak konponbidea duela, “zaila izan arren”.
Neurri gehiago ere proposatu dira, adibidez, etxebizitza publikoko eraikinetan altuera handitzea, 2.000 bizitoki berri sortzeko helburuarekin, baina lurzoru berririk kontsumitu gabe. Tentsio handiko eremu izendatutako guneetan etxebizitza turistiko berrien jarduera ekonomikoa ezabatzea ere proposatu da.
Bestalde, sailburuak gogorarazi du Jaurlaritza lanean ari dela premiazko neurrien lege proposamenean, zeinak arau aldaketak ekarriko dituen epe motzagoan, besteak beste, lurzoruaren, etxebizitzaren eta turismoaren gainean.