Momento Estudio, gastronomiaren argazkigintza eta bideogintza

Basque Culinary Centerreko bigarren promozioko ikaslea izan zen Pablo García. Herbeheretan eta Bartzelonan praktikak egin ondoren, Iruñera bueltatu eta Florette enpresako marketin departamentuan hasi zen lanean, urte eta erdiz, 2018. urtera arte. Aldi berean, argazkilaritza gastronomikoan trebatzeko aprobetxatu zuen, eta 2020an, pandemia bete-betean zegoela, Momento Estudio sortu zuen.

Gastronomian espezializatutako argazkigintzan eta bideogintzan oinarritutako taldea da Momento Estudio; ideia sortzailea garatzen dute, makillaje gastronomikoa (home-economist) egiten dute, ekoizpena eta edizioa. Horren guztiaren atzean, García bera eta Sergio Marcos daude, estudioaren sortzaileak eta bazkideak.

“Nire ustez, ekitea askatasunaren sinonimoa izan zen, oso bilakaera naturala, eta urratsez urrats, Basque Culinary Centerren irakasle eta erreferente onak izanik, zalantzarik gabe entzun ekintzailetza kasu asko ezagutzen aukera izan nuen”, esan du Garcíak. Ondoren, Grupo Áreas eta Floretten egiten zuen lana bateratzen jakin zuen, argazkigintzan trebatzen jarraitzen zuen bitartean, eta, unea iritsitakoan, FFF Frieds, Family and Fools, hau da, gertukoenek lehen hiru urteetan argazkilari independente gisa lagundu zioten, Momento Estudio sortu aurretik.

Bideo eta argazki gastronomikoen ekoizpena

Momento Estudio bideo eta argazki gastronomikoen ekoizpenean espezializatutako taldea da. Proiektu bat iristerakoan helburuak eta komunikatzeko orduan dituen erronkak aztertzea da abiapuntua. Agertokia ezarri ondoren, sormenaren kontzeptua lantzen dute, mezu giltzarriak ezartzen dituzte, errezetak eta zuzendaritza artistikoa garatzen dute eta ekoizpena egiten dute, makillaje gastronomikoari eta argiztapenari garrantzi handia emanez. Produkzioaren ondoren, bete-betean sartzen dira edizioan, beti kolorearen zatian foku berezia duten xehetasunak kontuan hartuz.

Hainbat markarekin lan egin ahal izan dute, hala nola Aguimar, Alaska Seafood, Islandiako Bacalao, Beer & Food, Cafés Baqué, Eroski, Florette, Gallina Blanca, Isabel, Kellogg´s edota La Gula del Norte. Hainbat proiektu pertsonal ere garatu dituzte, esate baterako, Passion Projects: City Flavours, pertsonak gastronomiarekin konektatzen dituztena, munduko hainbat leku ezagutuz, eta Van Recipes, naturako aire zabaleko sukaldaritza kontzeptuak aztertzen dituena.

Hainbat markarekin lan egin ahal izan dute, hala nola Aguimar, Beer & Food, Cafés Baqué, Eroski, Florette, Gallina Blanca edota La Gula del Norte

Momento Estudioren helburu nagusiak pertsonak gastronomiarekin konektatzea, hausnarketara gonbidatzea eta inspiratzea dira. Estudioa Leioan dago kokatuta, antzinako ehun biltegi batean. Sabai altuak, horma zuriak eta leihate handiak; Asier Portillok eta Eva Callesek diseinatuta, argazkilaritza eta bideo gastronomikoak ekoizteko bereziki.

Finantzazioa eta inbertsioak

Hasieratik bezeroen oinarria eta unean uneko proiektuak funtsezkoak izan dira diru sarreren fluxuari eusteko. 2020an hipoteka-mailegu bat eman zieten lokala erosteko, eta 2021ean, bazkideek kapital ekarpen bat egin zuten proiektuaren oinarriak ezartzen amaitzeko, talentuan eta taldean inbertsio handia eginez: “Argi geneukan zer egin nahi genuen eta geure baitan inbertitzea beti izan da jarraitu beharreko bidea”, adierazi du ekintzaileak.

Aurrekontuaren zati bat eguneroko lanerako eta bezeroei zerbitzua ematen dien egituraren mantentze lanetarako erabiltzen dute, baita kamera, argiztapen eta edizio ekipoetan etengabe inbertitzeko ere. Proiektu puntual handiagoetan ere beste profesional batzuetan inbertitzen saiatzen dira, talentua eta begirada desberdina duten pertsonez inguratzea funtsezkoa dela uste dutelako.

2020an hipoteka-mailegu bat eman zieten lokala erosteko, eta 2021ean, bazkideek kapital ekarpen bat egin zuten proiektuaren oinarriak ezartzen amaitzeko

Fakturazioaren zati bat etengabeko prestakuntzari eskaintzen diote, sare sozialetatik kanpo aire freskoa bilatuz. Horregatik, aldizkariak, liburuak eta fanzineak erostea gustatzen zaie, argazkiak “ukitu” ahal izateko. Eta, azkenik, munduko hainbat lekutara bidaiatzeko inbertitzen dute, eguneroko inertzia jakin batzuk hautsi eta haien inspirazioa elikatzeko, gastronomia hutsetik haratago.

Etxeko nahiz kanpoko bezeroak

Momento Estudioren bezero oinarria Euskal Herrian eta Espainian zentratzen da, eta kontsumo handiko enpresekin, sukaldaritza enpresa antolatuekin eta proiektu gastronomiko bereziekin lan egiten dute, batez ere bi formula landuz; alde batetik, urteko feea, non prezio bat egokitzen dute edukien eta zerbitzuen kopuruaren arabera, eta, beste aldetik, kotizazio formula bat proiektu bakarreko.

2023an, Kopenhagera egin zuten lehen bidaia, eta orain New Yorkera joateko asmoa dute, nazioarteko ikuspegi handiago bat eskuratzeko, eta erakusketa eta aurrekontu handiagoak lortzeko asmoz. Bidai hauen arrazoia ez ekonomikoa soilik, baizik eta erronka berriak lortzeko, pertsona erreferenteekin lan egin ahal izateko eta leku berriak ezagutzeko asmoarekin egiten dute, Garciaren arabera.

Argazkien “superbotereak”

Argazkiek eta bideoek duten garrantzia berebizikoa da, pertsonek begiekin “jaten” dute, hau da, jatetxe bat bisitatu edo produktu bat erosi aurretik, sare sozialetan edo Interneten bilatuko dute ziurrenik. “Argazki batek superbotereak ditu, ez soilik mezu, produktu edo zerbitzu bat esplizituki erakusten dizulako, baizik eta gaitasuna duelako erakusteko nolakoak garen”, azaldu du Garcíak. Eta ez hori bakarrik, gaitasuna ere badu marka edo proiektua nolakoa den erakusteko, istorio bat kontatzeko, iritzi bat erakusteko, inspiratzeko eta ikuspegi berri bat partekatzeko; munduarekin konektatzen gaituen hizkuntza unibertsala da alegia.

Argazkigintzan eta bideogintzan erreferente

Etorkizunera begira, epe laburrean hazten jarraitzea espero dute, taldeari pertsona gehiago gehituz eta Espainia mailan ikus-entzunezko gastronomiaren erreferente gisa ezarriz. Argazkigintzan eta bideo gastronomian pentsatzean, jendeak Momento Estudion oroitzea nahi dute, eta haien lana eta lan egiteko prozesuaz gozatzen dutelako aukeratzea.

Bestalde, epe luzera, atzerrian proiektu gehiago egitea eta esperientziak batzen jarraitzea espero dute. Presio handirik gabe eta asmo handiegirik gabe iritsiko diren erronkei aurre egin, gehien gustatzen zaienaz gozatzen jarraitu ahal izateko.