Baikortasun zuhurra

Jerome Powellek, AEBeko Erreserba Federalaren buruak, tasak jaisteko unea dela adierazi zuen Wyomingen. Badirudi gutxienez 25 oinarrizko puntutan jaitsiko dituela, eta data ekonomikoen arabera, agian gehiago; abuztuko inflazio eta langabezi daten arabera batez ere. Argi utzi zuen puntu horretan garrantzia handiagoa izango zuela langabezia datuak. Irailaren 6an ezagutuko da (artikulu hau argitaratzen denerako) AEBeko abuztuko langabezia data.

Nvidiaren emaitza onak… edo ez

Irailaren lehen asteko merkatuetara bakea bueltatu dela dirudi enpresa nagusien emaitza onak lagunduta. Argitaratu diren emaitzetatik azkenetarikoa Nvidia enpresa erraldoiarena izan zen (zazpi bikainetatik bikainena momentu honetan). Uztailaren 31an bukatu zen urte laurdeneko emaitzak plazaratu zituen; argitaratu eta hurrengo orduetan bere akzioen balioa %8 jaitsi zen. Inbestitzaileek ez zituzten gustuko izan hiruhileko honetarako enpresak egindako aurreikuspenak, ezta garatzen ari den hurrengo belaunaldiko Blackwell txip berriaren hedadurari buruzko informazio irmo ezak. ChatGPTren jalgitzetik urte laurden guztietan irabazi marjinak igo egin ditu Nvidiak; oraingoan zerbait atzerantz egin arren salmenta guztien %50 baino gehiagok irabazi marjina izaten jarraitzen dute. Badirudi adimen artfizialaren (AA) asalduraren gailurra gainditua izan dela eta lasaitzen ari dela. Nvidiak ez du eztandarik egingo, eta bere hedapen arrakastatsua jarraituko duela argi dago; merkatuentzat osasungarria da irakinaldia eta espekulazio aparran tasen beheranzkoaren aurretik jaistea.

Ekaitza pasatu da… edo ez

Sentsazioa da abuztu hasieran finantza merkatuetan izan zen fusio arriskua (finantza sistema urtzeko arriskuarekin) guztiz gainditua dagoela. Akzio merkatuak aurretik ezarritako gailurretatik hurbil daude. Merkatuen aldakortasuna islatzen duen errekuperazioa izan da.

Merkatuentzat ezinbestekoa den dibisen merkataritzak (inbestitzaileek errendimendu txikiko dibisetan zorpetu eta diru gehiago irabaziko lukenetan inbestitu) ez du abuztuaren hasieran galdutako zorua berreskuratu. Ekaitz hura bukatua dela aldarrikatzeko goizegi da. Dibisen merkataritza (edo carry tradea) egiteko finantzaketa zenbait era daude. Inbestitzaileak ere askotarikoak dira: adibidez funtsetan dagoen epe luzerako dirua ez da berehala desapalankatuko; bere posizioa utzi aurretik luzeago iraungo du inbertsio horrek. Arrazoi horiengatik Yen japoniarretan egindako carry tradearen tamainan ez da adostasunik izango. Ez da aste gutxi batzuetako kontua izaten orokorrean; posizio horrek uztea hilabetetako (urteetakoa ez bada) erronka izaten da.

Japoniako Bankuak tasak hirugarrenez igotzea espero du urte bukaera aurretik. Inbestitzaileak dibisa merkataritzan Yen moneta erabiltzeko estimulurik gabe geldituko dira. Beste dibisaren batek merkataritza honetan Yenaren ordezkotza hartu lezake?

Japoniako Bankuak tasak hirugarrenez igotzea espero du urte bukaera aurretik. Inbestitzaileak dibisa merkataritzan Yen moneta erabiltzeko estimulurik gabe geldituko dira. Beste dibisaren batek merkataritza honetan Yenaren ordezkotza hartu lezake?

Batzuen ustetan euroa izan daiteke; euroguneko ahultasunean oinarritzen da susmo hau. Haien ustez euroguneak merkatuek aurreikusitakoa baino interes tasa jaitsiera gehiago beharko lituzke. Euroguneko azken inflazio datuak (orokorrean %2,2 urteartekoa) kontutan hartuta, eta behin inflazio beldur hori kenduta, balizko carry trade baten dibisa ahula euroa izateak euroa merkatu dezake, eta kolpea jasotzen ari diren esportazioentzat mesedegarri izan.

Kreditu diferentziala

“Baikortasun zuhurra” darion beste ekonomia adierazle bat da kreditu diferentziala. Kreditu diferentziala iraupen bera, baina kreditu kalitate ezberdina duten bi bonoen errentagarritasunaren arteko aldea da. Iaupen bera duten baina kalitate gutxiagokoak diren bonuek errentagarritasun altuagoa eskaini beharko lukete. Diferentzial hori historikoki aztertuz AEBen, CCC balorazioa edo horren azpitik (espekulatibotzat jotzen den zorra) diren bonuak alde batera utzita, beste bonu gehienen kreditu diferentzialak 1997tik orain arte izan diren beheren daude. Atzeraldi beldurra egon dagoenean inbestitzaileek AEBeko ekonomiaren ikuspegi baikorra dutela adieraziko luke.

Europan ere, nahiz eta zerbait altuagoa izan diferentzial hori, inbertsio gradua duten bonuen diferentzialak baxu daude. Berez atzeraldi ekonomiko baten aurrean ordaintze ezaren arriskua handitu egiten da eta bonuen erosleek kreditu diferentzial handiagoa galdatuko lukete.

Zor eskaintza indartsu mantendu da nahiz eta diru politika murritzailea izan. Finantzaketa kondizioak erraz samarrak izan dira batez ere kapital pribatu ugari izan delako bide bazterretan

Zor eskaintza indartsu mantendu da nahiz eta diru politika murritzailea izan. Finantzaketa kondizioak erraz samarrak izan dira batez ere kapital pribatu ugari izan delako bide bazterretan. Horren adierazle da M&A jarduerek (enpresen fusioak eta erosketak) izaten ari diren susperraldia. Baikortasun horren guztiaren ondoan, ostera, oharpen mezuak ere agertzen hasi dira. Zor jaulkipenek atzerantz egin dute, eta analisten ustez ahultasun seinale garbia da.

Laburbilduz; moneta politikaren malgutzearen ondorioz “baikortasun zuhurra” dago merkatuetan, ekonomia suspertuko delakoan. Kreditu diferentziala estu mantentzea ona da enpresek zor jaulkipen bitartez finantziatzeko. Kontraesana hor dago: Erresera Federalak urte amaierarako interes tasak oinarrizko 100 puntu jaitsiko balitu, ekonomia bide txarretik doalako litzatekeela.