Beharrak bilatzeko prozesu sakon bat egin ondoren sortu zen Gaman enpresa gisa abiarazteko ideia. Unibertsitateko lanketa bati esker erabaki zuten GJHen esparruan beharrak detektatzea Andoni Etxebarria, Alazne Urquijo eta Marian Andres Achak. Desberdintasunen murrizketan jarri zuten arreta, eta une horretan konturatu ziren desgaitasuna duten pertsonak direla gaur egun desberdintasun sozial eta ekonomiko gehien bizi dituztenak. “Ez genekien zer behar zehatz bilatzen genuen, eta garai hartan, esperientziarik gabe, irisgarritasuna eta desgaitasunaren mundua gurpildun aulkiarekin lotzen genuen”, onartu du Etxebarriak, Gamaneko CEOak.
Sektoreko elkarteetara hainbat bisita egin ondoren, ohartu ziren bazela erronka bat higienean laguntzeko, bai mugikortasun murriztua duten pertsonei, baita edota ostomizatutako pazienteei ere. Izan ere, ostomizatutako pazienteek gorputzari loturiko poltsa baten egiten dituzte komuneko beharrak, eta ondo egiteko berariazko komunak behar badituzte ere, oso toki gutxitan topa daitezke.
Soluzioen bila ari zirela, ikusi zuten Erresuma Batuan bazela kontzeptu bat, Changing Places izenekoa, indarra hazten ari zena. “Une horretan jakin genuen ez zegoela atzera egiterik”, esan du Alazne Urquijok, Gamaneko eragiketen zuzendariak.
Aldagailu inklusiboen garapena
Gamanek aldagailu inklusiboak deritzonak egiten ditu, arestian aipaturiko pertsonei arropa aldatzea edota bestelako zaintza egitea errazten diena. Proiektuarekin unibertsitatean hasi ziren, jakin gabe oso mundu teknikoan murgiltzen ari zirela. Erainkuntzarekin lotutako oinarrizko gai askori buruz ikasi behar izan zuten, eta proiektuaren aldeko apustua egiten zuten profil teknikoekin bat eginez, sinesgarritasuna lortzeko. “Etapa bakoitzak behar batzuk ditu. Ahalegin handia eskatzen du eta bidean kolpe asko ematen dituzu. Baina harrigarria bada ere, bizitzak fase bakoitzean gauzak aurrera ateratzeko behar diren pertsonak aurkezten dizkizu”, nabarmendu du Urquijok.
Une honetan, Gamanen aldagailuek modelo egokitua eskaintzen dute eta instalatzeko errazak dira. Aparatuek irakuzgailua, aginte-txorrota monoa, xaboi-makina eta gehiago dituzte, erosotasuna eta higiene eskuragarria ziurtatzen dutenak.
Aldagailu bakoitza desberdina da, batez ere espazio bakoitzak instalazioei eta egin beharreko lanei dagokienez dituen premiengatik. Hori dela eta, gaur egun ez dute plataforma bidez erosteko aukerarik eskaintzen, nahiz eta aurrekontu orientagarriak ateratzeko onlineko konfiguratzaileak abiaraztea aurreikusten duten.
Aldagailu bakoitza desberdina da. Hori dela eta, gaur egun ez dute plataforma bidez erosteko aukerarik eskaintzen
“Aukera onena da instalazio bat baloratu nahi duen edozein erakunde gurekin harremanetan jartzea gure webgunearen bidez”, adierazi du Etxebarriak. Horrek bisita bat egitea eta behar tekniko eta ekonomikoen arabera orientatu ahal izatea laguntzen du.
Sistema modularren kostua hainbat faktoreren arabera aldatu daiteke, hala nola tamaina, zehaztapen pertsonalizatuak eta instalatzeko lekua. Hala ere, ideia orokor bat emateko, prezioak 70.000 eurotik gorakoak izaten dira unitateko, instalazioa barne eta lan integratu baterako 40.000 euro ingurukoak. Probako alokairuetarako unitate modular esperimentalak ere badituzte. Etxebarria eta Urquijok diotenez, garrantzitsua da kontuan izatea soluzio pertsonalizatuak eta bezero bakoitzaren behar espezifikoetara eskaintzen dituztela, eta, beraz, beti gomendatzen dutela haiekin harremanetan egotea aurrekontu zehatza eta baldintza partikularretara egokitua lortzeko.
Kostua hainbat faktoreren arabera aldatu daiteke. Baina prezioak 70.000 eurotik gorakoak izaten dira unitateko, instalazioa barne eta lan integratu baterako 40.000 euro ingurukoak
Bezeroen artean erakunde publikoak (udalak eta ospitaleak), enpresa pribatu handiak merkataritza-guneak, aireportuak eta tren geltokiak dituzte. Irabazi asmorik gabeko erakundeekin, unibertsitateekin eta ikastetxeekin ere lan egiten dute, baita klinikekin eta errehabilitzaio zentroekin ere. Den-denek partekatzen dute irisgarritasunarekin eta inklusioarekin duten konpromisoa da.
Geografikoki, ez dira Hego Euskal Herrira mugatzen; haien konponbideak Espainiako alde guztietara eramateko konpromisoa dute, eta etorkizunean, haratago joatea espero dute. Gaur egun, Espainiako hainbat eskualdetan inplementatu dituzte proiektuak, Bartzelonatik hasita eta Pirinioetako eski-estazio edota Murtzia hegoaldeko eskualdeetaraino. Nolanahi ere, prest daude edozein erakunde publiko edo pribaturekin lankidetzan aritzeko, haien kokapen geografikoa edozein dela ere. “Gure egitekoa da ziurtatzea denek, edonon daudela ere, irisgarriak eta kalitate handikoak diren instalazioetara sarbidea izango dutela”, gehitu du Etxebarriak.
Duintasuna eta berrikuntza
Gamanek merkaturatzen duen produktua kontzeptu berritzailea da hemen, hainbesteraino non lehen urteetan lehiarik gabe lan egin duten Espainiako merkatuan. “Zoragarria dirudien arren, benetan ez da hala, merkatuan ez baituzu erreferentziarik merkatu-bolumen potentzialari, hazkundeari… buruz”, esan du Etxebarriak. Hala ere, lehiakideak sortzen hasten direnean, Etxebarriaren arabera, horrek baliozkotzen du orain arte egiten aritu direna benetan interesgarria dela merkatuko beste agente batzuk sartzeko, eta momentu horretan azkar mugitzeko beharra dago.
Merkatuan oso enpresa txikia da Gaman eragile lehiakideekiko, eta, beraz, indar handia ematen diete bi zutabe nagusiri. Lehena, Gamanen jatorria eta filosofia da; pertsonek eta pertsonentzat eginiko enpresa da. Zentzu horretan, Andres, beste fundatzailea, egiten dituzten aldagailuen erabiltzailea da. Horrela, ezintasunak, enplegua eta lan merkaturako sarbidea dituzten kolektiboentzako konponbideez gain, ematen duten produktua funtzionala izatea baliozkotzen dute. Eta nor hobe horretarako proiektuaren sortzaileetako bat baino?
Gamanek merkaturatzen duen produktua kontzeptu berritzailea da hemen, hainbesteraino non lehen urteetan lehiarik gabe lan egin duten Espainiako merkatuan.
Ildo beretik, benetako balioa espazio horiek erabiltzaileei ematen dieten esperientzia eta duintasuna dira; izan ere, aukera ematen diete pertsonei gizartean erabat parte hartzeko, familiarekin eta lagunekin denbora pasatzeko, eta lehen eskuraezinak ziren lekuetara iristeko. Era berean, gizarteratze eta errespetu kultura sustatzen dute instalatzen diren komunitateetan.
Pertsona guztiez arduratzen direla erakusteak, haien gaitasunak alde bater autzita, haien ospea indartzen du, eta gizarte erantzukizunari dagokionez abangoardian egotea ahalbidetzen die; horrez gain, aurretik ardura hori hartzen ez zuten publikoak erakartzen ditu.
Berrikuntza da bigarren zutabea. Etengabe ari dira pentsatzen nola hobetu dezaketen produktua bere osotasunean, inplementazioa errazagoa, azkarragoa eta eskuragarriagoa izan dadin, horrelako irtenbideen alde egitea alde guztientzat positiboa izan dadin.
Etengabe berrasmatzea
Beste edozein ekintzailetza proiektu bezala, Etxebarriaren arabera, etengabeko erresilientzia prozesu bat izan da, eta izaten ari da, zeinean funtsezkoa baita norberarentzako mugiezina zena berritzea eta berrasmatzea. Fundatzaileen arabera, Gaman sortzea eta gauzaratzea erronka esanguratsua izan da, baina baita oso esperientzia atsegina eta hazteko modukoa ere. “Hasieratik genekien eremu konplexu eta oztopoz beteriko batean sartzen ari ginela, baina pertsonen bizitza hobetzeko genuen grinak aurrera egitera bultzatu gintuen”, nabarmendu du.
Beste alderdi desafiatzaile bat haien balioekin konprometitutako eta lerrokatutako talde bat eraikitzea izan zen; izan ere, proiektuarekiko pasioa partekatzen zuten pertsonekin lan egin nahi zuten, Gaman hurrengo mailara eramateko beharrezko ahalegina egiteko prest zeudenekin. “Zorionez, talentu handiko eta dedikatutako talde bat osatzen lortu genuen, eta funtsezkoa izan da gure arrakastarako”, gehitzen du Etxebarriak.
Andoni Etxebarria: “Zorionez, talentu handiko eta dedikatutako talde bat osatzen lortu genuen, eta funtsezkoa izan da gure arrakastarako”
Alde ekonomikoari dagokionez, sormena gako izan da. Hain berritzailea den proiektu baterako finantzaketa lortzea ez da erraza izaten, baina hasierako inbertsioa, dirulaguntzak eta ahalegin handia konbinatuta, haien ideiak gauzatu eta errealitate bihurtu ahal izan zituzten.
Gamanen kasuan, 3 prototipo modular erabat funtzional eta ekipatu egin zituzten, eta hasierako inbertsio erronda bati esker aurre egin ahal izan zioten. Produktua baliozkotu ondoren, eta etengabe eboluzionatu eta hobetu behar dela argi izanda, fokua talde sendo eta fidagarri bat eraikitzen jarri zuten, bai Gaman barruan, bai Espainia mailako kolaboratzaileen sarean, txoko gehiagotara iritsi ahal izateko. Horrek guztiak gastu eta inbertsio gehiago suposatu zuen marketinean, ekipamenduan, azpiegituran, etab. “Guztira, 170.000 euro inguru izango ditugu makina bete-betean martxan jarri arte, baina hori argi dago, gure adibidea baino ez da, enpresa bakoitzak bere mugak eta prozesuak guztiz desberdinak ditu”, adierazten du Urquijok.
Alazne Urquijo: “Guztira, 170.000 euro inguru izango ditugu makina bete-betean martxan jarri arte, baina hori argi dago, gure adibidea baino ez da, enpresa bakoitzak bere mugak eta prozesuak guztiz desberdinak ditu”
Beste bultzada bat suposatu die BBK Arinen parte hartzeak lau hilabetez. Programako ibilbidea bera eta mentore eta aditu guztien laguntza izan da jaso duten alderdi positiboena, 25.000 euroko sariaz gain. “Zalantzarik gabe, pertsona horiei guztiei esker izan gara gai sari ekonomikoa eskuratu ondoren”, gehitzen du Etxebarriak. Horrekin, merkatuan haien balio proposamen berria eta heltzeke dauden produktuak baliozkotu ahal izatea espero dute, Gamanen etorkizuneko hazkundearen giltzarri izango direlakoan. saria irabazi izanak, 25.000 euro jasoko baitituzte proiektuaren garapenarekin jarraitzeko.
Etorkizunerako anbizioa
Epe laburrean, merkatuan behin betiko finkatzea da garrantzitsuena. Orain arte proiektuetatik bizi zen enpresa aldetik, erronka nagusietako bat da behin eta berriz errepikatzea eta egonkortasuna lortzea. Epe luzerako akordioei esker lortzen ari dira udalerri handiekin, baina diotenez oraindik asko dago egiteko arlo horretan.
Epe luzera, Gamaneko helburua amets egiten jarraitzea da. Haien irtenbide berritzaileekin pertsona askoren bizitzan eragina izatea, eta Espainiatik haratago mugak gainditu ahal izatea. Lan asko dago egiteko mundu osoan, eta horretara iristeko anbizioa eta energia dute.