Elkargi finantza erakundeak jakinarazi du Chillida Leku museoaren patronatuko kide izango dela gaurtik aurrera. 23.100 enpresa bazkide ditu Elkargik eta 45. urteurrena ospatuko du aurten.
Finantza erakundeak azaldu duenez, euren urteurrenak Eduardo Chillida 100 años. Lugar de encuentro egitasmoarekin bat egiten du, zeina Eduardo Chillida – Pilar Belzunce Fundazioak bultzatu duen.
2025ean Pilar Belzunce jaio zela ehun urte betetzen dira, eta zera adierazi du Mikel Chillida museoaren negozio garapen zuzendariak: “Pilarren konpainiarik gabe, Eduardoren nazioarteko errekonozimendua ez zen berdina izango. Eduardok sortutako guztiaren ideiak, kudeaketaren kontrola eta ikuspegi finantzarioa gauzatzeko laguntza berak pertsonifikatzen du”.
Halaber, Zenon Vazquez Elkargiko zuzendari nagusiak ere Belzunce gogoratu nahi izan du. “Enpresa sortzea, proiektu bakoitzaren sustraia indartuko duen laguntza onenarekin ideia bat eraikitzen eta gauzatzen jakitea ere bada. `Pilar´ hori aurkitzen jakitea da”.
Bi erakundeek elkarlanean egitasmo berriak sortzeko aukera plazaratu dute.