Randstad etxeak telelanari buruzko datuak bildu ditu prentsa oharrean. Pandemia garaian bereziki hazi zen telelana egiten zuten langileen kopurua, baina gaur egun maila hori jaitsi egin da. Hala ere, telelana gero eta ohikoagoa da, eta Randstaden arabera “sendotzen” ari den formatua da.
Izan ere, INE Espainiako Estatistika Erakundeak argitaratutako datuek diote 2024. urte amaieran EAEko biztanleen artean %13,1ekoa zela telelana egiteko ohitura zutenen zifra. Telelana egiten zuten horien %5ak erregularki egiten zuen, hau da, lanorduen erdia baino gehiago, eta %8,1ak noizbehinka, alegia, lanorduen erdia baino gutxiago. Espainia mailan telelan gehien egiten den laugarren erkidegoa da EAE, Madrilen, Kataluniaren eta Valentziaren atzetik.
Nafarroan, ordea, telelanak ez du horrenbesteko arrakastarik izan orain arte. Izan ere, telelana egiteko ohitura dute langileak %9 dira. Espainiako Estatuko beste lurraldeen artean, telelana gutxien egiten den hirugarren lurraldea da Nafarroa.
Oriol Mas Randstad Enterpriseko zuzendari nagusiak uste du telelanaren egonkortzea langileen eskaeraren ondorioa dela, zehazki, errazagoa izan dadin lana eta bizitza pertsonala uztartzea.