Idealistak argitaratu duen txostenaren arabera, 2025eko lehen hiruhilekoan egun bakarra baino gutxiago iraun zuen merkatuan lau alokairu etxetatik batek; hau da, etxebizitza iragarri eta hogeita lau ordu baina gutxiago pasatu ziren alokatu arte. Zehazki, hori gertatu zen Nafarroako etxebizitzen %25arekin, Arabakoen %24arekin eta Bizkaiko zein Gipuzkoako alokairuko etxebizitzen %23arekin.
2024ko lehen hiruhilekoaren aldean, alokairu expressen kopurua igo egin da Bizkaian (%6), Nafarroan (%4) eta Araban (%2); Gipuzkoan, aldiz, %9 jaitsi da zenbatekoa.
Hiriburuei dagokienez, hogeita lau ordu baino gutxiagotan alokatu dira etxebizitzen %24 Gasteizen eta Iruñean, 2025eko lehen hiruhilekoan. Donostian gauza bera gertatu da eskaintza osoaren %20arekin, eta Bilbon, ordea, %18arekin.