2025eko otsailean %2,0 murriztu dira EAEko azalera handietako eta elikadura-kate handietako salmentak urtebetean; urtarrilaren aldean, aldiz, salmentak %0,3 hazi dira. Eustat Euskal Estatistika Erakundeak argitaratu dituen datuak dira.
Urte arteko beherakada, batik bat, elikaduraren salmentei dagokio, %2,7an beheratu baita; gainerako produktuetan ere %0,6 jaitsi dira salmentak. Aurreko hilaren aldean ere %0,1 gutxitu dira erosketak elikagaiei dagokionez, baina gainerako produktuak, ordea, %1,0 gehiago saldu dira.
Lurraldeka, salmentek Gipuzkoan izan dute beherakadarik nabarmenena, urtebetean %3,5ekoa hain zuzen; Araban %3,2koa izan da jaitsiera, eta Bizkaian, ordea, %0,9koa. Urtarrilaren aldean nahiko egonkor mantendu dira salmentak hiru lurralde historikoetan: Bizkaian eta Gipuzkoan %0,4 igo dira, eta Araban %0,2.
Azkenik, azalera handietako eta elikadura-kate handietako enplegatu kopuruari dagokionez, %1,4 handitu da zifra, 2024ko otsailaren aldean; urtarrilaren aldean ere %0,3 enplegatu gehiago daude sektorean.