Sindikatuek (LAB, ELA, CCOO eta Steilas) bost greba egun berri iragarri dituzte EAEko hezkuntza publikoan, zehazki, martxoaren 25, 26 eta 27rako, baita apirilaren lehenengo bi egunetarako ere. Grebak eragina izango du hezkuntza publikoko irakasleengan, sukaldariengan eta garbitzaileengan, helburu izanik enplegatuen lan-baldintzak hobetzea.
Prentsaurrekoan Hezkuntza Sailari eskatu diote lan-hitzarmen berriak mahaigaineratzea, arestian aipatutako hiru kolektiboak aldarrikapenetan “bat datozelako”.
Azken hilabeteetan egin diren beste hamabi lanuzteen jarraipena da gaur iragarritakoa. Izan ere, Hezkuntza Publikoko langileek mobilizazioak egin dituzte urtarrilean eta otsailean, bai Gasteizen, bai Bilbon, baita Donostian ere. Orain arte, soilik Haurreskolak Partzuergoko langileek lortu dute lan-hitzarmen berria.