Euskal Autonomia Erkidegoko enplegu politikak kudeatzen dituen Lanbidek aldaketa ugarirekin hasiko du ikasturtea. Egungo administrazio kontseilura LAB sindikatua gehitzeaz gain, kooperatibak ere bertan izango baitira. Akordio historikoa erdietsi dute kooperatibek Confebask patronalarekin. Rosa Lavin Konfekoop-eko presidenteak adierazi zuen Confebask “historikoki” beti azaldu dela kooperatibak Lanbideko kontseiluan sartzearen aurka, baina oraingoan bertan izango dira.
Halaber, pasa den maiatzean egindako Konfekoopen Ohiko Batzar Orokorrean Lanbideko administrazio kontseiluan sartzea espero zutela adierazi zuen Lavinek. Hala, azpimarratu zuen legeak lehen aldiz onartzen duela enpresa kooperatiboek Lanbideren kontseiluan parte hartzeko duten eskubidea. Irailetik aurrera, ikasturtearen hasierarekin batera gauzatu ditu gobernu organoko aldaketak.