Sindikatuek administrazioko langileen grebara dei egin dute apirilaren 9an, asteazkenean. LAB, Afapna, CCOO, ELA eta UGT taldeek prentsaurreko bateratua eskaini dute gaur, eta kalitatezko zerbitzu publikoa exijitu dute, azpimarratuta “hori eskaintzeko baldintza duinak dituzten langileak” behar direla.
Hain zuzen, salatu dute Nafarroako Gobernuarekin langile publikoentzako estatutu berria adosten saiatu direla, baina azaldu dute gobernuak negoziazioa “blokeatu” duela; hain zuzen erantzunik jaso ez dutelako dei egin dute grebara sindikatuek.
Lanuztea egiteko zenbait arrazoi eta eskaera dituztela esan dute. Batetik, arestian aipatutako estatutu berria Nafarroako langile publikoentzat. Bestetik, enpleguaren egonkortasuna eta behin-behinekotasuna %8 txikitzea, aldi berean pribatizazio politikari amaiera emanda eta orain arte pribatu egindakoa publiko eginda. Bestalde, plantillaren handitzea eskatu dute, errelebo kontratuak eta erretiro aurreratuak sustatuta, baita KPIaren araberako soldata igoera eta langileentzako karrera profesionala ere.