Donald Trump AEBko presidenteak iragarri du %25eko muga zergak ezarriko dituela apiriletik aurrera, autogintza, farmazia eta erdieroaleen industrian. Gaineratu duenez, denborak aurrera egin ahala ehuneko hori igotzen joango da presidentea.
Zerga horiek ipini arte apirilak 2ra arteko tartea uztearen arrazoia da enpresek ekoizpena AEBra pasatzeko denbora izatea. Izan ere, lantegia Estatu Batuetan duten enpresek ez dute muga zergak ordaintzeko beharrik izango, eta horretarako denbora eskaini nahi die Trumpek.
Presidenteak ez du zehaztu erabakiak eragina izango duen soilik herrialde zehatz batzuengan ala AEBra inportatzen diren ibilgailu guztiengan.
Bloomberg konpainiaren arabera, muga zergak eragina izango luke, gutxi gorabehera, Espainiako Estatuan iaz saldu ziren kotxe kopuruaren erdiarengan, alegia, 8 milioi auto zein kamioneta arinengan, zeinak AEBra inportatu ziren. Industria sektoreko zenbait adituren ustetan, autogintzaren gaineko zergek eragin zuzena izango dute, esaterako, kontsumitzaileek ordaindu beharreko prezioen igoeran eta ekoizpen kostuen hazkundean.
Gaur aipatutako sektore horiei ezarritako zergez gain, AEBk jada %10eko muga zerga ezarri die Txinatik inportatutako produktuei, eta %25ekoa altzairuaren eta aluminioaren inportazioei.