BBVA finantza erakundeak 1.100 langile berri kontratatu nahi dituela jakinarazi du. Zehazki, profil teknologikoko langileak nahi ditu, esparru horretan espezializatutako 40.000 langileko langara ailegatzeko asmoz. Datuen kudeaketan, adimen artifizialean edota zibersegurtasunean adituak diren ingeniari eta matematikariak nahi dituzte.
Azken hiru urteetan, teknologia alorreko 10.000 langile kontratatu ditu denera, eta 2023an, BBVA Technology sozietatea eratu zuen, hainbat filial teknologiko batuta. Pedro J. Mendez erakundeko talentu arduradunak azaldu du digitalizazio prozesuaren buru izan nahi dutela, eta etorkizuneko erronkei aurre egiteko inbertitzen jarraituko dutela. Gaineratu du software garatzaileak, datu ingeniariak eta segurtasun arloko profesionalak direla gehien interesatzen zaizkien profilak.