Ikusi, digitalizazioan eta zibersegurtasunean espezializatutako zerbitzu teknologikoen enpresak, akordioa sinatu du Consum banaketa-kooperatibarekin, bere ahots-plataforma mantentzeko.
Ahots korporatiboko plataformak kooperatibatik sartzen eta irteten diren deiak kudeatzen ditu, bi konpainiek ohar bidez azaldu dutenez. Otsailaz geroztik, gainera, Ikusi ahots- eta komunikazio-plataformaren euskarri- eta mantentze-proiektua egiten ari da, hiru urteko iraupenekoa.
Ikusi, zehazki, Cisco Call Manager eta Contact Center Express (Cisco teknologiakoa hori ere) mantentzeaz arduratzen da. Consumek horietatik 1.000 hedapen baino gehiagori eta 900 dei-zentrori ematen die zerbitzua. Halaber, Consumek Ikusi aukeratu du bere sare lokalaren mantentze-zerbitzua egiteko ere.
Consumek 830 supermerkatu baino gehiago ditu Katalunia, Valentzia, Murtzia, Gaztela-Mantxa, Andaluzia eta Aragoin banatuta, 4 milioi bazkide bezero eta 18.212 langile baino gehiago.