Tuterako (Nafarroa) Nano Automotive enpresako langileek aldarrikatu dute negozioak martxan jarraitu behar duela, baita bertako 120 enplegatuen lanpostuak mantendu behar direla ere. Enpresa gaur egun likidazio-fasean dago, zuzendariak otsailean jakinarazi ondoren lantegia itxiko zela, "eskarian izandako murrizketak zirela eta".
Prentsa oharra zabaldu dute autoentzako errodamenduak ekoizten dituen konpainiako langileek, ELA, CCOO, UGT eta Solidari sindikatuetako ordezkarien izenean, eta adierazi dute enplegatuek “argi dutela” lanpostuen alde borrokatuko dutela amorerik eman gabe.
Egungo enpresa nafarren egoera egotzi diote SKF Taldeari, hain zuzen, eskaria "drastikoki" murriztu dutelako, eta azaldu dute enpresa batzordeak borrokatu egingo duela “SKF ez dadin prozeduratik aldendu”. Nafarroako Gobernua ere prozesuaren barne izan behar dela azpimarratu dute langileek, hain zuzen, “abandonatuta” utzi dituelako.