Olatz Unamunzagak ordezkatuko du Leire Barañano, Neikerreko zuzendari nagusi berri gisa. Eusko Jaurlaritzak izendatu du hala, izan ere, zentro teknologikoa Eusko Jaurlaritzako Elikadura, Landa Garapen, Nekazaritza eta Arrantza Sailaren parte da.
Unamunzaga Biologian lizentziaduna da EHUn, eta Nekazaritza Zientzietan doktorea Zaragozako Unibertsitatean; enpresen zuzendaritzan ere prestakuntza osagarria du. Jada hamar urte baino gehiagoz egin du lan Neikerren, Berrikuntza eta Teknologiako arduradun gisa, eta zenbait “proiektu estrategiko” zuzendu ditu.
Zuzendari berriak azaldu du zentro teknologikoa “egoera ezin hobean” dagoela, %80tik gorako arrakasta-tasak baititu askotariko deialdietan. Taldeak eragina izan nahi du nekazaritzako elikagaien sektorearen lehiakortasunean eta jasangarritasunean, “premiei erantzuten dieten tresnak eta irtenbideak emanda”.