Oñatiko (Gipuzkoa) Stadler enpresak enplegu-erregulazioko espedientea abiatu du, eta 58 langile kaleratuko ditu. Automozio sektorerako piezak ekoizten ditu konpainiak, eta hartzekodunen konkurtsoan da 2024ko uztailetik.
ELA sindikatuak adierazi du enpresak kaleratzeei ekingo diela ez duelako enpresaren jarraipena bermatuko duen inbertsorerik aurkitu, eta likidazio fasean sartuta, kaleratzeko kolektiboaren aldeko hautua egin dutela. Salmenten beherakadak eragin du Oñatiko enpresaren itxiera: salmentak txikituta, gastuei aurre egin ezin diela argudiatu dute Stadlerreko arduradunek.
Lantalde osoari eragingo dio lan espedienteak, eta “datozen hilabeteetan” kaleratuko dituzte 58 langileak.
ELAren aburuz, enpresaren "kudeaketa kaskarrak" eragin du egungo egoera. “Ez da egun batetik bestera gertatutako kontua, eta enpresak ez ditu egoeraren azalpenak gardentasunez adierazi. Itxiera honen arabera enpresarena da, eta beste behin, ondorioak pairatzen dituztenak langileak dira”, adierazi du sindikatuak gaur argitaratutako oharrean.