Rodrigo Sánchez izango da Trento Taldeko zuzendari nagusi berria. Osasunaren sektorean lan egiten du enpresak, zehazki, hortz-kliniken arloan. Bi bulego dituzte Gipuzkoan, bata Donostian eta bestea Beasainen. Sánchez duela hilabeteak hasi zen “proiektu liluragarrian” lanean.
Zuzendari nagusi berriak Natur All-en egin izan du lan zuzendari exekutibo gisa, eta urrian iragarri zuen edari begetalen ekoizpenean espezializatutako konpainia utziko zuela. Azken urteetako datuen arabera, Sánchezen gidaritzapean emaitza positiboak lortu zituen Natur All-ek: Corellan (Nafarroa) fabrika propioa ireki zuen, ontziratzeko bi linearekin eta 50 milioi litro baino gehiagoko edukiera ahalmenarekin. Alimenta Navarra sarietatik nazioartekotze kategorian irabazi zuen saria negozioak 2022.urtean; hain zuzen, ekoitzitakoaren %40 atzerrira esportatu izan du konpainiak.